الشوق مالـه عمـر , يفنـى وينعـاد له في الضلوع أن عاد وأن غاب رجفه |
مع كل فرقا , له ورى الجفـن ميـلاد وأن ماتت الفرقا لقـى الشـوق حتفـه |
جيت أقتل الفرقـا مـن بـلاد لـبـلاد مـلّ الطريـق يشيلنـي فـوق كتفـه |
وأنا بعد مليت مـن كثـر مـا أرتـاد هالشارع اللي كان لـك فيـه شرفـه |
تظمأ عيوني شوفك , وتشبـع سهـاد عيّا الزمن يقطـع ظماهـا بـرشفـه |
لاوجهـك أسقاهـا , ولا ذاقـت رقـاد ماغير طيفـك , طيفـك اللـي أعرفـه |
كنّه ظبـي , وعيونـي ظـلال صيـاد يجفـل قبـل يرتـد للجفـن طـرفـه |
مشكلته أنه كـل مـا أشتقـت يـزداد حتـى مـلا جـدران وقتـي وسقفـه |
وأصبحت أشوفه فـأول الغيـم لاجـاد وفـأقصى الشفق لاطاحت الشمس خلفه |
وفي الأرض لانامت عقب صوت رعـاد وفي كل شباك ٍ صحـت منـه درفـه |
أتعبت طيفـك لـوم , واللـوم مافـاد ويوم الأمل في شوفتـك مـات نصفـه |
نويت أسافـر عنـك بجـروح ٍ جـداد وعمر ٍ من أوراق الزمن حان قطفـه |
نويت , لكـن جابنـي الشـوق منقـاد وجابك حنينك , والزمن سـال عطفـه |
شفتك تبسّم لـي خجـل مـدري عنـاد وفي نظرتك شوق ٍ من الظلم وصفـه |
حسيت كني طفـل , وعيونـك أعيـاد ياعيدي اللي لـه ورى الصـدر رجفـه |
سمّ اللقـا صدفـة , وأسمّيـه ميعـاد أنا أنتظرتـك , وأنـت مريـت صدفـه |
م.ن
» شاب يقتل امه بالعصى <<< بالصور <<<حسسسبي الله ونعم الوكييل
» طالب بكلية "أصول الدين" يغتصب ابنة شقيقته
» نبذه عن رسسول الله ( صلى الله عليه وسسلم )
» الله يقومه بالسلامه
» يـآ اخوي ..يا عزوتي mms
» صدفه- فهد بن مساعد
» "ابعتذر ....."لا تعتذر " ...بدر بن عبد المحسن .. وزوجـــتــــه
» ܔلاترحل وذنوبگ معگܔ